Traffic police-te tan training buatsaih
National Health Mission hnuaia National Programme on Climate Change & Human Health (NPCCHH) chuan nimin khan Directorate of Health Sevices conference hall-ah Aizawla traffic police-te tan 'Climate change and human health' zirhona an buatsaih a, Traffic SP Stephen Lalrinawma hoin traffic police 80 vel an tel.
Training-ah hian NPCCHH district nodal officer Dr Walter Lalnuntluanga Sailo-in khawlum vanga natna awm theite leh inven dan a sawifiah a; Dr B Lalthantluanga'n boruak bawlhhlawh vanga natna awm thei leh inven dan a sawi a ni.
Traffic SP Stephen Lalrinawma chuan, traffic police-te chu ni sá hnuaia hna thawk ṭhin an nih avangin inenkawl uluk lehzual turin a chah a; traffic police-te khawlum lutukin taksa a nghawng theih dan chungchangah inzirtirna buatsaih a ni chu lawmawm a tih thu a sawi.
NPCCHH state nodal officer Dr Vanlalrengpuia Chinzah-in training buatsaih chhante a sawi bawk.