Lawngtlai district MMR 303, IMR 9

Lawngtlai district-ah kum 2023 chhunga infant mortality rate (IMR) chu pakua a ni a, maternal mortality rate (MMR) chu 303 a ni. Kumin April-June chhung khan nautê kum khat hnuai lam 10 an thi.

Lawngtlai District Review Meeting on Maternal & Child Death chu July 30, Thawhlehni khan DC conference hall-ah SDO (Sadar) Margaret J Vanlal­rem­mawii kaih-hruaiin an ṭhukhawm a; nausen/naupang thihna leh nu nau pâi thihna thlen dan thlir lêt a ni.

Sorkar thuchhuah tarlan danin, kum 2023 chhung khan Lawngtlai district-ah nautê kum khat hnuai lam 10 an thi a, IMR chu 9 (nau piang 1,000 zelah nautê 9 an thi) a ni. Nu nau chunga thi pasarih an awm a, MMR chu 303 (nu 1,00,000 zelah 303 an thi) a ni thung.

Sorkar kum kal meka thla hmasa pathum, April-June chhungin Lawngtlai district-ah nautê kum 1 hnuai lam 10 an thi a; naupang 1-5 inkar thi panga leh nu nau chunga thi pakhat an awm bawk.