Mizo ṭawng zirhona hun hmang

Mizoram Christian College (MCC)-a Mizo department leh Mizo Language Development Board (MLDB) chuan nimin khan MCC-ah Mizo ṭawng zirhona an buatsaih a; MLDB chairman R Lallianzuala leh MCC principal Dr Tawnenga ten an hmanpui.

Mizo ṭawng zirhonaah hian MCC department hrang hranga 5th semester zirlai te, Johnson College, T Romana College leh ICFAI University-a Mizo department zirlai leh zirtirtute an tel. Rozama Chawngthu leh Mizoram University-a assistant professor Lalsangzuala'n thupui an sawi a; sawihona leh zawhna leh chhanna hun hman a ni.

Dr Tawnenga chuan, zirlaite an lehkha zirah an rinawm chuan an ti mai mai theih loh a, a thatchhiat theih loh tih a sawi a; mahni programme buatsaiha tlai ngai lo mi ni turin zirlaite a fuih.

R Lallianzuala chuan, MLDB din dan leh hmalak tawh dan tlangpui sawiin, Mizo thu leh hla leh ṭawng tihhmasawnna turin theihtawp an chhuah dawn thu a sawi a, "MLB hmalakna hi politics thil a ni lo a, hnam thil a ni," a ti.