Veng hrang hrangah inchhui mek
August 24, Thawhṭannia Melriat khaw mi, Covid-19 vei hmuh chhuah zingah kar kal ta Zirtawpni leh Inrinni (August 21-22) vela Aizawla veng hrang hranga kal an awm nual avangin, an kài chhàwn theih àwmte Aizawl veng eng emaw zata local task force (LTF)-te'n chhuiin an buaipui mek.
Thawhṭannia hripui vei hmuh chhuah mi 35 zinga 24 chu Mizoram chhunga mi dang aṭanga kái an ni a, mi 24-te'n an kài chhàwn theiha ngaihte chhui zui tur pawh a tam bakah, a zau hlea sawi a ni. Hripui vei hmuh chhuah thar, Melriat mi 14 zingah Aizawla veng hrang hranga arsa pe kual leh dawr hrang hranga kal an awm avangin, veng eng emaw zata LTF-te chuan hma an la nghal a ni.
LTF hrang hrangte chuan an veng chhung mite chu Covid-19 veite'n an tlawh dawra kalte inhriattir turin an chah a; veng ṭhenkhatah chuan total lockdown puan a ni bawk.