HSRP that leh that loh Sorkarin a sawi thei lo

Lirtheia number plate inang tlang, high security registration plate (HSRP) chu mipui aṭanga sawiselna ziaka an dawn loh avangin sorkarin a ṭhat leh ṭhat loh a sawi thei lo. Hetih lai hian, HSRP vuahtute'n sorkar beisei angin hna an thawk ṭha tâwk lo tih RTI Act hmanga zawhna chhanna aṭangin hriat a ni.

RTI Act hmanga zawhna chhannaah, Transport department chuan, HSRP hmang vek tura thupek chu, "Minis­try of Road Transport and Highways (MoRTH) chhuah a ni a, he thupek chhuah hian Rules 50 of CMVR 1989-ah chiang taka tarlan a ni," an ti.
Transport department chuan, HSRP buaipui tura sorkarin company a thlan chuan sorkar beisei ang a pha lo deuha an hriat thu te, motor neitu mipui leh sorkarin tih tur an neih ṭheuh thu te, mawhphurtute'n an zavaia an mawhphurhna an hlen tâwk lo deuha an hriat thute an sawi bawk.
HSRP hi April 2012-ah vuah ṭan a ni. HSRP hian Halogram a nei a, 'IND' tih a awm a, laser code leh snap lock a nei a, khawih danglama awlsam taka chhe thei third license plate a nei bawk a; hengte avang hian HSRP vuah a ni.
RTI Act zawhna an chhan lai hian Mizoram sorkar chuan HSRP aṭangin hlâwkna Rs. 8,09,998 a têl ve tawh a ni.
Hetih lai hian, kum 15 atana lirthei chhiah pek (Life time tax)-ah kum 2014 tawp thleng khan sorkar chuan Rs. 43,91,62,094 a hmu tawh a, sum lutte chu sorkar sum báwmah chhun luh zel a ni.