MLPC Act hnuaiah Mi 339 man an ni tawh

January 15, 2015-a Mizoram Liquor (Pro­hibition and Control) Act hman a nih hnuah Police leh Excise & Narcotics department-te'n mi 399 an man tawh a, thubuai 339 an ziak lut tawh.

Thu dawn danin, MLPC Act hman hnua zu vanga thubuai ziah luh tawh 339-te chu zu zawrh, kawl, in leh zu rûi chunga lirthei khalh thubuaite a ni a; mi 399 man tawhte zinga mi 144 chu vantlang hna thawk turin Court-in an chungthu a rel a ni.

Vantlang hna thawh­tirte chu ni 3-5 chhung bazar, damdawi-in, police, END department leh Court tihfaitir an ni tlangpui.

MLPC Act hnuaiah hian mi 135 chu lung-inah khung an ni a, mi 63 chu pawisa chawitira chhuah niin, mi pakhat chu chawitir emaw, hna thawhtir emaw awm loa chhuah a ni thung. Thubuai 39 chu ngaihtuah mek a ni bawk.

MLPC Act hnuaia thu­buai siamah hian Aizawl district a sang ber a, thubuai 178 siam a ni a, mi 226 man a ni.