Health minister conference-ah Lal Thanzara
February 20, 2015 khan New Delhi-ah AYUSH/Health Minister Conference neih a ni a; Health minister Lal Thanzara chuan Health department kaihhruaina hnuaiah Mizoram police-te tan Mizoram district tinah Yoga Training Centre din an tum thu a sawi.
Lal Thanzara chuan, AYUSH damdawi hman ṭangkai kawngah Mizoramin bul a ṭan tlai tih sawiin, "Tunah chuan Mizoram damdawi-ina AYUSH OPD awmnaah chuan AYUSH clinical service leh therapy-te ṭangkai taka hman a ni tawh a, mipuiin an chhawr ṭangkai hle," a ti.
Health Minister chuan, kum 2014-15 atana annual action plan atan cheng nuai 211 pawm tawh leh kum 2012 aṭanga la dawn loh, Programme Management Unit, Contingencies, Medicine leh Consumable atana sum pek turte chu pe chhuak thuai turin sorkar laipui hotute a ngen a ni.
Mizoramin AYUSH directorate din tura ruahmanna a siam thu sawiin, Lal Thanzara chuan, "AYUSH directorate kan din theihna atana pawimawh ber chu annual plan hi min pawmsak a, sum pek chhuah thuai a ni. Khum 50 awmna AYUSH Hospital sak zawh ṭep ni a tawh a, ṭangkai taka hman a nih theihna turin Department of AYUSH hian nasa taka min puiha min kaihhruai kan mamawh a ni," a ti.