Rangvamualah nu thiin chhar

Khawsiamveli (42) w/o Lalsiamliana, Rangvamual chu nimin chawhma dar 10:30 vel khan Rangvamuala NH-54 kawngpui thlang lamah thia chhar a ni a; a thattu nia hriat a pasal Lalsiamliana chu police-te'n an man nghal.

Thu dawn danin, Khawsiamveli leh a pasal hi February 20 zing karah an ṭhenawm dawr têa thil leia an kal dun hmuh a ni a, chumi nia a pasal nena an chhuak dun chu a pasal a haw laiin, Khawsiamveli chu a haw ve ta lo a ni.

Khawtlang hruaitute'n Lalsiamliana chu thil awm dan an zawt a, mahse Lalsiamliana chuan zu an in dun a, a chatthla nia a rin thuin a chhâng. Khawtlang hruaitute chuan ringhlelin Vaivakawn Police Station-ah an hriattir a, police-te chuan Lalsiamliana chu Vaivakawn PS-ah lain, thu an zawtfiah a, a nupui ruang awmna chu a sawi ta a ni.