Minister-in sorkar hmalaknate a tlawh

Disaster Management & Rehabilitation (DM&R) minister C Ngunlianchunga chuan Inrinni khan Lawngtlai West constituency huam chhunga sorkar hmalakna hrang hrang a tlawh.

C Ngunlianchunga chuan chawhma lamah Thingkah khuaa 2rd IR Bn. hmun tur sak mek a tlawh a, hnathawktute chuan a panna kawngin duh thu a la sam loh deuh avangin khawl lian zawkte lakluh a la har deuh a, a panna kawng hi peih fel a nih hunah chuan chak zawkin hna a thawh theih tur thu an lo hrilh a ni.

Cheng vbc. 8 senna tur Polytechnic School sak mek pawh C Ngunlianchunga hian tlawhin, an harsatna tawhte a enfiah a, "April 2013 ah khan heng hnate hi work order pek chhuah tawh an ni a, design cell lamten tun thlenga design an la peih thei chiah lo hi engemaw harsatna an nei a nih a rinawm a, a rang lamin ka lo enpuiin harsatna an neihte chinfel a nih theih nan hma lak ka lo tum ang," a ti..

DM&R Minister hian Lawngtlai by pass road siam mek pawh a tlawh bawk. C Ngunlianchunga hi Lawng­tlai DC J Hmingthanmawia, Lawngtlai SP Lalringdika leh DM&R dy. secretary Rohnuna ten an ṭawimawm a ni.