Thisen sawngbawlna man pe lo turte

Health & Family Wel­fare principal director Dr. K Ropari chuan nimin khan office memorandum tichhuakin, thisen sawng­bawlna man chawi ve lo turte a tarlang.

Thisen sawngbawlna man chawi ve lo turte chu - RSBY smart card nei leh keng te, BPL card nei leh keng te, damlo thisen pek reng ngai (Thalasaemia, Haemophillia, Aplastic Anemia, etc.)-te leh emergency-a thisen pek thut ngai, laina hnai vai awm mai lo (accident dang vanga hliam tuar)-te an ni.

Thisen mamawh­tute'n pawisa pek tur an nei remchang lo a nih pawhin thisen pek chhuah tho tur a ni tih tarlangin Dr K Ropari chuan, "Blood bank-a technician-te'n doctor-on-call an ráwn thei ang," a ti.