Zirlaite'n RUSA chungchang an zirho

State Project directorate, Rastriya Uchchatar Shiksha Abhiyan(RUSA) leh MZP ṭangkawp chuan nimin khan MZP conference hall-ah Rastriya Uchchatar Shiksha Abhiyan (RUSA) zirchianna hun an buatsaih.

RUSA zirchiannaa thusawitu MZP president Lalhmachhuana chuan RUSA chu higher education system siamṭhatna tur project a nih avangin zirlaite'n an hriatchian ṭula a hriat thu sawiin, "RUSA kaltlang hian Mizorama zirna in sang zawkten hmasawnna tam tak kan hmuh ngei a rinawm. Mizoramah hian thuneitu ten zirna leh zirna-inte hmasawnna tur hian project-te siamin, thil thar tam tak an chhawpchhuak tawh ṭhin a, anih dan tur anga kalpui a nih thin loh avangin hman ṭangkai loh tam tak a awm ṭhin a ni," a ti.

Thusawitu State Project Directorate RUSA addl. secretary prof. KL Pradhan chuan, "RUSA fund lo kal tur hi India ram state zinga fund hmang ṭha ber nih kan tuma, hemi tur hian college thuneitute leh zirlai hruaitute puihna kan mamawh dawn a ni," a ti a, zirlai hruaitute chu thawhdun puiah a sawm a ni. kan zavaia kan tanrual chuan RUSA fund lo kal hi India rama state zinga hmang tha ber kan ni dawn a ni.” a ti.

Workshop-ah hian Aizawl khawpui chhunga college hrang hranga Students Union hruaitute leh zirtirtute an tel a ni.