Scholarship chungchang FM sawipui
MSU leh Aizawl City College Joint Students Union (ACCJU) hruaitute chuan, Post Matric Tribal Scholarship chungchangah nimin khan Finance minister Lalsawta a pisa-ah an hmu a, Lalsawta hian sum pek chhuah tur a awm chuan scholarship chu an hren khawtlai loh tur thu a hrilh tih a sawi.
MSU hruaitute chuan scholarship sem chhuahna tur ‘Sanction order’ chu nimin khan Finance commissioner office-ah a awm tawha an hriat thu sawiin, “He file hi Finance Minister office-ah a tâng ang tih hi kan hlauh ber a ni. Sorkar sum dinhmun chhiat laia vawi lehkhata cheng nuai 2000 chuang lai pek chhuah hi tunlai sorkar sum bawma sum awm tam loh vang hian an pek chhuah theih loh kan hlau a ni,” an ti.
An thil hlauhthawn chungchang hi Finance Minister an sawipui tih sawiin MSU hruaitute chuan scholarship chu an ngai pawimawh ber a ni tih a lo hrilh nia sawiin, ‘Sanction order hian ka dawhkan a lo thlen hunah sum pek chhuah tur a awm ṭek ṭek phawt chuan in scholarship hi kan hreng khaw tlai lo ang’ a lo tih thu an sawi bawk.