Lawngtlai district-ah total bandh

Central Young Lai Association (CYLA) bultumin vawiin hian zing dar 5 aṭangin tiam chin awm loin Lai Autonomous District Council (LADC) huam chhungah total bandh neih a ni dawn.

CYLA-in total bandh huaihawt an tum chhan hi - Lawngtlaia P&E sub-division chu division-a hlan kai te, Lawngtlai-Lunglei inkar kawng siam ṭhat leh, World Bank sum hmanga kawng siam tur chu Samang tlangdung paltlangtir lohte a ni.

Lawngtlai DC J Hmingthanmawia sawi danin, Lawngtlai district-a total bandh neih turah hian buaina leh pawi khawihna a awm lohna turin hmun hrang hrangah magistrate kaihhruaina hnuaiah police duty eng emaw zat dah a ni.