HPC(D) nia rin mi pali man

Vairengtea CID (SB) leh Saiphai post-a MRP-te chuan February 22, 2015 khan Saiphaiah HPC(D) hel nia rinhlelh, silai nena pawisa khawn mi pali an man a, Vairengte Police Station-ah thu zawhfiah atan an kawl mek.

Thu dawn danin, HPC(D) nia rinhlelhte hi John Francis (30), Tlang­mawia (35), Israel Lalthlengliana (28) leh Robert Malsawmtluanga (25) te an ni a; .22 pistol pahnih nen Mizoram aṭanga hmunphiah thawn chhuah lo la chhawngtu hnam dangte pawisa pe turin an vau ṭhin. Heng mite hi police-te'n chhui zuiin, February 22 khan an man ta a ni.

Heng mi palite hi February 16, 2015 khan HPC(D) letter head hmang­a Mizoram aṭang­a hmunphiah thawn chhuahte la chhawng ṭhintu hnam dang 17 pawisa diltute zinga mi an nih rin a ni.