AR ram hman zui dan tur sawiho

Aizawl khawpui chhunga Assam Rifles ram luah an chhuahsan huna van­tlang tana hman ṭangkai dan tura Mizoram sorkara thurâwn pe tura din, Advisory Committee chu nimin khan Revenue directorate conference hall-ah an ṭhukhawm.

Meeting-ah hian Assam Rifles-in Draft Memorandum of Understanding an siam, Law & Judicial department-in an endik tawh chu an thlirho a, Mizoram tan pawm theih a nih leh nih loh dante sawi­hoin, an rawtna sorkarah an thehlut leh ang.

Advisory Committee-ah hian LRS minister R Romawia chairman a ni a, member secretary chu LRS secretary Zothan­khuma a ni. Member-te chu - parliamentary sec­retary H Zothang­liana, MLA pahnih Vanlalzawma leh T Sangkunga, LRS director Lalram­nghaka, prominent citizen P Ro­hming­thanga leh H Raltawna-te an ni.