Supply dept-in ration card thehlut turin ngen

Food, Civil Supplies & Consumer Affairs (FCS&CA) department chuan, MLA, Ex-MLA, MDC, Ex-MDC, AMC coun­­cillor, gazetted offi­cer, sumdawng hausa, con­tractor/supplier leh ration card hmang loa khawsa theite chu an ration card sorkara thehlut turin a ngen.

Supply department-in ration card sorkara thehlut tura a ngen chhan hi - Public Distribution System ṭha taka kalpui a nih nan leh mi harsa zawkte'n buhfai, khawn­vartui, chini leh thil dang­te ration card hmanga hnianghnâr zawka an hmuh theih nana tih a ni.

FCS&CA chuan, ration card thehlut duhte chu mahni awmna district civil supply officer (DCSO) hnenah thehluh tur a nih thu a tarlang a, "Ration card thehluttute chu DCSO-ten ration card-ah ‘not for PDS (Rice) for identification only’ tih chuang seal an chhú ang a, ration card chu official document atana hman tura pek kîr a ni ang," a ti.