News Lawrkhawm
Painting Exibition
Vanlalhriata'n zu kaihhnawih lemziak hmanga a pholanna, 2nd Solo Painting Exibition chu nimin khan Aizawl Art Gallery-ah ṭan a ni a, PIB deputy director Mangjangam Touthang-in a hawng. Exhibition-ah hian lemziak 40 pho chhuah a ni.
BJP-in thlawp
BJP, Mizoram Pradesh chuan thuchhuah siamin, MNF party-in mipui thlavang hauhna atana vawiina Mizoram puma total bandh neih an tum chu a thlawp thu a puang a; district hrang hranga an party mite chu bandh thlawp turin an hriattir a ni.
H1N1 enfiah zel
Health department chuan February 23 aṭang khan Integrated Disease Surveilance Programme hnuaiah Mizoramah H1N1 (Swine Flu) vei lut an awm leh awm loh Lengpui Airport-ah an endik. Health department hian Lengpui Airport-ah hian Surveilance Centre an siam a, IDSP nodal officer Dr Pachuau Lalmalsawma hoin thlawhna hmanga Mizorama lo lut, damlo leh rinhlelhawm deuhte chu an enfiah zel a; tun thleng chuan H1N1 vei an la hmu lo a ni.
Training tan
Mizoram KVI Board buatsaihin nimin khan ni thum awh tur Administrative Traning Institute conference hall-ah Entrepreneurship Development Programme ṭan a ni. Training-ah hian PMEGP hnuaia loan la mi 52 an tel a ni.