NEC Priority Projects 2015-16 zirho

Chief secretary Lalmalsawma hoin Thawhṭanni khan Secretariat conference hall-ah North Eastern Council aṭanga Annual Priority Projects 2015-16 ruahman tura kaihhruaina rawn siamte zirho a ni.

Meeting-ah hian Planning secretary Dr C Vanlalramsanga'n Mizorama development project, scheme leh programme-ahte High Level Monitoring leh Surveillance Committee-in a kalpui dan tur thar, Chief Minister kaihhruainaa duan kalpui a nih tur thu an tarlang.

Ruahmanna ang chuan, CM kaihhruaina hnuaiah High Level Monitoring and Surveillance Committee-I in cheng vbc. 50 chin chung lam project, scheme leh programme-te chu thla thum danah (quarterly) ennawn ṭhin a ni ang a; cheng vbc. 50 hnuai lam project-te chu High Level Monitoring and Surveillance Committee-II in an ennawn thung ang.

Nimina meeting-ah hian sorkara secretary-te leh head of department-te an tel a ni.