Pawl 11-in thisen unit 338 pe

August 3, Inrinni khan Mizoramah pawl 11-in thisen unit 338 an pe. KṬP, Mission Veng­thlang Branch-in an kohhran hall-ah Synod Hospital tan unit 63 pein, petute mipa 53 leh hmeichhia 10 an ni a; KṬP, Bethlehem Venglai Branch-in Civil Hospital, Aizawl tan unit 60 pein, petute mipa 45 leh hmeichhia 15 an ni.

ṬKP, Bawngkawn Pastor Bial-in Civil Hospital, Aizawl tan unit 96 pein, petute mipa 85 leh hmeichhia 11 an ni a; ṬKP, Serchhip Pastor Bial-in Serchhip District Hospital-ah unit 17 pein, petute mipa 14 leh hmeichhia pathum an ni. Lawngtlaia ṬKP, Vengpui Unit leh Zion Unit-in Lawngtlai District Hospital tan unit 31 an pe bawk.

Adventist Youth Federation (AYF) Lunglei North-in Lunglei Civil Hospital tan unit 13 an pe a; AYF, Champhai North Bial mipa 27 leh hmeichhia pahnihte'n Champhai District Hospital tan unit 29 an pe. Champhai Hospital-ah hian Vaphai Higher Secondary School zirlaite'n unit 7 an pe bawk.

Siaha District Hospital tan Mizoram PYD-in unit 12 an pe a; ṬKP, Siaha West Pastor Bial-in unit 10 an pe bawk a ni.