MLA Jeje-a'n kawng bal a enfiah

South Tuipui bialtu MLA Jeje Lalpekhlua chuan August 2, 2024 khan a bial chhung, Hnahthial chhim lama NH-54 kawngpui tlabal chu a hmunah a tlawh a, sorkar official-te nen hmalak dan tur an enho.

Jeje Lalpekhlua chuan, Hnahthial by-pass kawng laitute chu an kawng enkawl lai chhe lutuk chu fûr lai pawh ni se a theih ang anga thawm ṭha tur leh lirthei táng a awm pawha ṭanpui nghal thei tura inring reng turin a hrilh. NHIDCL hotute chuan, kawng minna thlang lamah lei tawlh zel tur vênna atan lung rem nghal an tum thu an sawi.

Kawng enfiahnaah hian NHIDCL-in lung an rem zawh hma chuan kawngpuiah ṭul bik thila lirthei kal tlang theihna kawng chhak lam laih zauh belh nghal ni se, an ti.

South Tuipui MLA chuan, kawng chhuat bal chhak lam laih a nih theihna tura FB Vanlalruata ten an ram laih hêk an phal chu lawmawm a tih thu a sawi a; Hnahthial SP-in lirthei lian tlân phal lohna thupek a chhuah chu ṭha taka zawm ni se a duh thu a sawi bawk.

MLA hi Hnahthial bawrhsap Rita Lalnunmawii Pachuau leh additioal DC Zothanmawia Khiangte te, NHIDCL, ABCI leh Mathyans Construction hotu te, Hnahthial Sub-Hqrs. YMA leh Vigilance Committee hruaitute'n an ṭawiawm a ni.