ASF vangin vawk 8,718 thi, 16,158 suat

Vawk pùl hri, African Swine Fever (ASF) avangin kuminah nimin thleng khan Mizorama khua/veng 200-ah vawk 8,718 a thi tawh a, vawk 16,158 suat a ni tawh bawk a; ASF vanga vawk thi leh suat zawng zawng chu 24,876 a tling tawh.

AH&Vety department-in report a dawn chinah kumin January 1 aṭanga August 4 thlengin Mizoramah vawk hri lênna khua/veng 200 a awm tling tawh a; chu'ngah chuan hri vanga thi 8,718 a awm a, hri darh tur vên nan vawk 16,158 suat a ni.

Nimin Pathianni bik khan ASF vangin vawk 34 a thi a, vawk 59 suat a ni. Nimina vawk thi leh suat tamna ber Lunglei district-ah khua/veng pasarihah vawk 24 a thi a, khua/veng parukah vawk 15 suat a ni a; khaw mala vawk thi leh suat tam berna Hnahthialah chuan nimin khan vawk thi pasarih leh suat 29 a awm.