Minister-in a bial a tlawh kual

Minister Dr Vanlalthlana chuan August 3, Inrinni khan a bial Aizawl North-II a tlawh kual a, khawtlang hruaitute nen khawtlang hmasawnna turte an sawiho.

Dr Vanlalthlana hian Ramhlun South veng chhunga khawtlang hmasawnna turte khawthlang hruaitute nen an en a; mipui chhawr ṭangkai theih tur leh hmasawnna huapzo kalpui dan tur an sawiho a ni.

Aizawl North-II bialtu MLA hian Ramthar Veng tlawhin, Mizoram University under graduate final semester exam-a gold medalist Lalhriatzuala hnenah laptop a hlan. YMA, Ramhlun South Branch leh Laipuitlang Branch hnenah an library-a dah tur lehkhabu eng emaw zat a hlan a, lehkhabute chu MLA fund hmanga lei a ni.