Thirsakawra India fan chhuah tumtuin Aizawl a rawn thleng

'Climate change' (sik leh sa inthlâk) tih thupuia neia thirsakawr hmanga India ram fan chhuah tumtu Jayant Mahajan (50), Mumbai, Maharashtra chuan August 2, 2024 zan khan Aizawl a rawn thleng.

Jayant Mahajan hi Christ University, Pune-a associate professor a ni a, thirsakawr hmanga India ram fang chhuak tur hian January 23, 2024 khan Gujarat state-a India leh Pakistan inrìna Nadabed, Kutch aṭangin a zinkawng a ṭan a, khawthlang lam leh chhim lam a hrût hnuah hmarchhak lamah a rawn kal leh a ni.

Gujarat, Maharashtra, Goa, Karnataka, Kerala, Tamil Nadu, Andhra Pra­desh, Odisha, Jharkhand, West Bengal, Assam, Meghalaya-te a paltlang hnuah Aizawl a rawn thleng. Vawiin hian zirna-in ṭhenkhat tlawh a tum a, naktukah Aizawl aṭangin Manipur a pan ang a, chuta ṭangin Nagaland leh Arunachal Pradesh lamah kal zel a tum.

Jayant Mahajan chuan, India ram fan chhuah a tumnaah hian km. 20,000 vel tlân a tum thu leh a tlan ṭan ni champha, January 23, 2025-ah a tlan ṭanna Nadabed thlen leh a tum thu a sawi a; khawpui hrang hrangah sikul, college leh van­tlang hmunahte climate change chungchang a sawipui ṭhin thu a sawi bawk.