Sports hi eizawnna atan a hman tlak - Sports Minister

Sports & Youth Services minister Lalnghinglova Hmar chuan August 2, Zirtawpni zan khan Hawla Indoor Stadium-ah Mizo Zirlai Pawl (MZP) leh Aizawl District Basketball Association (ADBBA) ṭawngkawp buatsaih Inter-College Basketball Tournament kharna a hmanpui a; sports chu intihhlimna mai ni lo, eizawn nana hman tlak a nih thu a sawi.

Lalnghinglova Hmar chuan, zirlaite chu zirna kawngah an thiam tawk lo a nih pawhin thiamthil zirna (skill training) hrang hrangte zir tur leh ruihhlo laka fihlim turin a fuih a, "Sports hi intihhlimna mai ni loin, eizawn nana hman tlak a ni a, national level mai piah lamah world level-ahte Mizo tam zawk kan lan theih nan ṭan lak a ngai," a ti a, sports lama tuimite chu hmathlir ṭha tak neia sang tak thlen tum turin a chah a ni.