Khawzawl JNV building sak enfiah

MAMCO chairman Dr Ngurdingliana, MLA chuan July 1, 2016 aṭanga Khawzawl JNV building thar luah lut thei tura ruahmanna siam tawh bawhzuiin, Inrinni khan Khawzawla JNV building sak mek a tlawh.

Dr Ngurdingliana chuan, JNV building saknaa harsatna hrang hrang awmte leh Khawzawl khawtlang hruaitute'n an ngaimawh lai an thlente chu a ngaithla a; hmabak la awm ṭhenkhat - bual pindan, inthiarna, choka leh administrative block-a la zawh loh, electric wiring leh railing-te chu tifel thuai turin MAMCO engineer-te a hriattir a ni.

MAMCO Chairman hian DC Rest House-ah Khawzawl khawtlang hruaitute a kâwm a; zirna lama hma an sawn theihna turin a bial chhungah a theih ang angin hma a lak thu leh, a bial chhung chu kum thum chhungin alkatra-a luan kawngpuiin pawhtir vek a tum tih a sawi.