Hmeichhe kaihhnawih dan zirtir

Police department-a Training Branch leh Mizoram State Commission for Women (MSCW) chuan, nimin khan Police headquarters training hall-ah hmeichhe kaihhnawih dan hrang hrang zirhona an buatsaih a; MSCW chairperson Vanlalawmpuii Chawng-thu-in a hawng.

Vanlalawmpuii Chawng---thu chuan, Mizo hmei-chhia-te hamṭhatna sang zel chu lawmawm a tih rualin, hmeichhiate dikna leh chanvo humhalh a nih theihna tura India danpui leh dan tesêpte zirchianna neih a ni chu lawm-awm a tih thu a sawi a; dan hmanga hmalak a nih theihna turin police-te leh MSCW-te'n thawhhona ṭha zawk nei zel se a duh thu a sawi bawk.

Training-ah hian Mizoram hmun hrang hranga police officer, assistant sub-inspector (ASI) aṭang-a deputy SP rank in-kar-te an tel a; naktuk-ah khar a ni ang.

Advocate LH Lian-hrima leh T Lalnunsiama bakah, Mizo-ram police aṭang-
in DIG Lal-chhuana leh Aizawl District Court-a deputy SP (prosecution) Zairem-chhungi ten thil pawimawhte an zirtir a ni.