Pasal kut tuar nia rinhlelh thi

Lalmuanpuii (36) d/o Rualzachhinga (L), Phunchawng chu nimin zing dar 2:30 vel khan a thi a, a pasal Islam-a'n kut a thlak vang nia rinhlelh a ni a, Islam-a hi Sairang police-te'n nimin khan an man.

Chaltlang YMA hruaitute hnen aṭanga thu dawn danin, Lalmuanpuii te chhungkua hian Phunchawngah laina dang an neih loh avangin a ruang chu Chaltlang branch YMA-in an hlâwm a, postmortem a nih hnuah nimin khan vui a ni.

MHIP general geadquarters chuan thuchhuah siamin, Islam-a'n a nupui Lalmuanpuii a sawisa hlum chu pawi an tih thu leh an dem thu an tarlang a, "Tualthattu hi a na thei ang bera hrem a nih ngei theih nan thuneitute kan phût a ni," an ti.