Disaster management plan siam zirho

Lunglei District Disaster Management Authority chuan, nimin khan Lunglei DC conference hall-ah Department Disaster Management Plan siam dan zirna an buatsaih a, Lunglei DC Abhijit Vijay Chaudhari-a'n a hawng. Sorkar department 36 aiawh an tel.

Abhijit Vijay Chau-dhari chuan, chhiatrupna thlen thulha nêp zawka office hnathawkte'n an tawrh theihna atan ruahmanna ṭha tak siam a ṭul tih a sawi a, "Plan mumal tak siam a nih chuan harsatna tam zawk hmachhawn dan kan thiamin kan pumpelh thei ang. Mock drill neih hi hautak hle mah se, disaster management plan siam tawh sa fel lo laite min zawn chhuahtir thei dawn a ni," a ti.

Zirhonaah hian DMR district organizer Chuaupari Pachuau-in department hrang hrang aiawha kal khawmte hnenah chhiatrupna thlen thulha mahni department mi leh sa inbawihsâwm dan tur ‘Disaster Management Plan’ siam a zirtir a; Office Safety and Incident Response System (IRS) leh mock drill neih dan kalphung sawiho a ni.