Serchhipa gas harsatna sawiho

Serchhip District Consumer Association (SDCA) leh YMA sub-headquarters, Serchhip hruaitute chuan nimin khan YMA pisah tunlaia Serchhipa gas harsatna thleng mek chungchang an sawiho a; gas harsatna sutkian a nih theih nan theihtawpa hmalak an rél.

SDCA kaihhruaia sawi-honaah hian Serchhipin gas-a harsatna an tawh hrang hrangte sawi chhuah a ni a; Serchhipah gas hralh rûk a tam thu te, Mizorama a rûka gas zuar ṭhinte Serchhipa hralh rûk an rawn tum fo thute an sawi. Serchhipa gas agency awmchhun MIZOFED-in Serchhip mipui mamawh a phuhrûk tâwk tawh loh avangin, "Gas agency dang an awm theih nan kawng zawn ni se," an ti. Gas sem tur bûknaah Legal Metrology thâ tichak turin YMA branch-te a theih anga ngen ni se an ti bawk.

PHE tui meter sawiho a ni a; mipuite'n harsatna kan tawh mek te, tui bill tam lutuk complaint ṭhat ngam loh vanga mipuiin harsatna an tawh mek chungchangah PHE department hotute biakrâwn ni se, an ti. New Serchhipa PWD SE pisa tur sak peih vek tawh tun thlenga luah loa la awm chu thuneitute nen enho an rel a ni.

Thudawn danin, Ser-chhipah hian hun rei tak
aṭang tawhin gas a harsa hle thin a, agent awmchhun MIZOFED chuan tunah hian Serchhip khawpuiah customer 12300 vel a nei a, heng supply tur hian thla tin truck trip 17 vel an mamawh laiin tuna an dawn ṭhin chu a tlangpuiin thla khatah truck trip 10-12 vel a ni.