MPC leh ZNP ṭhalaite'n ILP pek dan ngaimawh

MPC leh ZNP ṭhalaite chuan thuchhuah inṭawm siamin, Mizo ṭhenkhatin hnam dangte Mizorama an sumdawn theih nana an sponsor ṭhin leh ILP pe chhuaktute'n awlái taka permit an pe chhuak ṭhin nia lang chu an ngaimawh thu an tarlang.

MPCY leh ZNP ṭhalaite chuan, "Aizawl khawpui chhunga hnam dang ILP hmang dik lo eng emaw zat awmte police leh NGO hrang hrangte'n an endik fo a, a sâwt viau dawn emaw tih laiin, Mizo ṭhenkhat hnam dangte sumdawn theih nana sponsor ṭhin an awm vang te, ILP pe chhuaktute'n term & restriction kalh leh awlái taka ILP an pe chhuak ṭhin nia langte kan ngaimawh a, hmalak dan turte kan rélho a ni," an ti.

Champhai district-a vawk vulhtu pawlte'n Champhai district-a PRRS lên chhanah Mizoram sorkar an puh chu dik an tih thu sawiin, sorkar official-te'n Myanmar aṭanga vawktê la lut lo tur thu an ràwn chu AH&Vety minister C Ngunlianchunga'n a pawm duh lo niin an sawi a; vawk vulhtute vanduaina leh chhiatna nasa tak chu a rang thei ang bera chhawmdawlna pe turin Mizoram sorkar an phût a ni.