Self help group-te tan campaign buatsaih

UDPA department leh Apex Bank ṭawngkawp chuan, nimin khan Champhaia IPR auditorium-ah National Urban Livelihoods Mission (NULM) hnuaia hamṭhatna dawngtu self help group (SHG)-te tan financial literacy campaign an buatsaih.

Campaign hi Champhaia UDPA officer V Lalmuanpuia'n a kaihruai a; Apex Bank general manager Lalthanpuia'n sum leh pai enkawl dan NULM hnuaia hamṭhatna dawngtu SHG-te a zirtir.

Lalthanpuia chuan, "SHG din hi a pawimawh em em rualin, loan la a, pawisa la chhuak vek tawh, engmah ti leh tak tak si lo, pawisa chiah duh a, rulhna tur nei leh si loa tlanbote pawh sawi tur an awm. Kum hmasa lama loan pûk ve ngawt, rulh nachang hre leh si lo hoin bank an tihbuai a ni," a ti a; kumina loan late chu kum hmasa lama hmingchhiatna thai bo turin a chah.

NABARD district deve-lopment assistant manager Rabi Shankar pawhin thu sawiin, "SHG hi keimahni kea kan din theihna tura din a ni a, pawisa kan hlawh chhuah leh kan khâwlte bank lama dah uar a pawimawh. Bank-a kan dah hian a him bakah kan pawisa khawlah nasa takin hma min sawntir thei a ni," a ti.

Training-ah hian self help group 40 aṭangin member pathum zel an tel a ni.