Biate-ah vawk 230 thi tawh

Serchhip district-a Biate khuaah kumin May thla tawp lam aṭang khan vawk 230 chuang an thi tawh. Biatea vawk thite hi AH&Vety department doctor-te chuan a hmunah an enfiah tawh a ni.

Biate YMA hruaitute sawi danin, Biate-ah hian kumin May thla tawp lamah vawk pûl hri hriat ṭan niin, vawk thi zat chu June 1, 2016 aṭangin chhinchhiah a ni a, June 8 khan hri lêng hi PRRS a ni tih finfiah a ni. Tunah tak erawh chuan vawk an thi vak tawh lo niin an sawi.

AH&Vety deputy director Dr H Laltlan-mawia leh doctor dang pahnihte chuan June 27 khan Biateah kalin thil awm dan an zir chiang a, mipuite râwn theih turin dispensary-ah OPD an hawng nghal a ni.