Lawngtlai leh Saiha dist. HRVA tlangzarh

Disaster Management & Rehabilitation (DMR) minister C Ngunianchunga chuan, nimin khan a pisaah DMR hmalaknain Saiha leh Lawngtlai district hman tur Hazard Risk Vulnerability Analysis (HRVA) a tlangzarh.

C Ngunlianchunga chuan, Lawngtlai leh Saiha HRVA chu a nih dan tur ang taka hmang a, district mipui leh sorkar pawhin ṭangkai taka an chhawr ngei a beisei thu a sawi a, "District development project reng reng ruahmanna kawnga kaihruaitu ṭangkai atana buatsaih a ni," a ti.

Saiha leh Lawngtlai district HRVA hi ATI Disaster Management Cell-a head faculty Dr Lal-rokima Chenkual buat-saih a ni a; Dr Lalrokima chuan, "District pahnih chhunga khuarel chhiatna eng ang nge thleng thei a, tute'n nge tuar thei tih te, khawi hmunahte nge a thlen theih tih te, thleng palh ta se eng ang chin nge kan tawrh theih ang tih te, hmachhawnna tura hmanrua leh thiamna awm dante tarlan a ni," a ti.

HRVA hi Aizawl dis-trict tan siam a ni tawh a, district dang pangate tan pawh siam leh tum a ni.