MSSC-in General Body Meeting an nei

Mizoram State Sports Council (MSSC) chuan, nimin khan Aijal Club-ah General Body Meeting an nei a, an president Zodintluanga, Sports & Youth Services minister-in a kaihruai.

Zodintluanga chuan, MSSC-a thawk-tute thawhhona a ṭhat vangin infiamna lamah Mizote an invawrh sang tawh hle a, infiamna lamah phûr taka an zuan luh tawh thu sawiin, "Association-te an chak chuan pawlah hmasawnna a awm a, pawl a chak phawt chuan infiamna lamah Zofate'n hma kan sawn zel dawn a ni," a ti.

MSSC President chuan, "Sport lama pawl hrang hrangte ṭhahnemngaihna leh mi ṭhahnemngaite inpekna avang leh sorkarin ṭan a lak nasat avangin duhthusam la ni lo mah ila, hma lam kan pan zel a, kan pên zel dawn a ni," a ti a; sport association hrang hrangte chu
ṭhahnemngai taka thawk zel turin a fuih.

Meeting-ah hian MSSC secretary C Laltlanthanga'n MSSC hnathawh leh hlawh-tlinnate a sawi a; Budget Review Commi-ttee thuchhuak an ngaihthla bawk.

Meeting-a an agenda-te chu - Annual Programme of MSSC 2016-17, Body Building Association hming siamṭhat leh MSSC Establishment en ṭhatte a ni.