Vawiinah Remna Ni lawm dawn

Vawiin hi MNF leh India sorkarin inremna an ziah champha, Remna Ni champha vawi 30-na a ni a, Mizoram chhungah hmun 38-ah lawm a ni dawn.

Remna Ni hi Aizawlah chuan Lammualah lawm a ni dawn a, Governor Lt.Gen. Nirbhay Sharma khuallian niin, chief minister Lal Thanhawla khualzahawm a ni ang. Remna Ni hi district khaw-pui hrang hrang, YMA sub-headquarters-ahte leh YMA group ṭhenkhatte'n an lawm dawn a ni.

Lawngtlaiah erawh chuan sorkarin sum a pek chhuah loh avangin programme siam vek tawh hnuah CYLA chuan ṭhulh a nih thu a puang.

MNF-in March 1, 1996-a Mizoram independence an puan hnuah Mizoram chu kum 20 chhung a buai a, June 30, 1986-ah MNF leh sorkar laipuia Home Ministry hotute'n Memo-randum of Settlement an ziak. MoS-ah hian MNF aiawhin president Laldenga, sorkar laipui aiawhin Home secretary RD Pradhan leh Mizoram sorkar aiawhin chief secretary Lalkhama ten hming an ziak.