National Statistics Day hman a ni

Nimin khan National Sta-tis-tics Day vawi 10-na a ni a, Economics & Statistics department huaihawtin Aijal Club-ah hman niin, Economics & Sta-tistics-in report chi hrang hrang an buatsaih chi li tlangzarh a ni.

Khuallian, Planning minister Lalsawta chuan, state pumpui chanchin famkim nei turin department hrang hrangte aṭanga thil pawimawh fawm khawm a ni tih sawiin, "Department zawng zawng bakah, Mizoram mipuite'n kan nihna leh kan chanchin dik tak kan din nghehpui tlat ngam a ngai," a ti.

Kumina National Statistics Day thupui, 'Agriculture & Farmers Welfare' tih leh sorkar flagship programme NLUP leh policy thar NEDP-te chu thil inmil tak a nih thu sawiin, "Sorkarin NEDP hmangin leilung rah chhuah tihpunna daptute dinchhuah theih nan nasa zawkin hma a la zel dawn," a ti a; NEDP hmangin link road, market yard, mall, value addition processing, khawl lian tham leh thil thar chhuah zawrhna lam buaipui a nih dawn thu a sawi.

National Statistics Day-ah hian khuallian Lalsawta leh khualzahawm KS Thanga, parliamentary secretary (Plan-ning)-te'n Economics & Statistics department-in report chi li an siamte an tlangzarh a; KS Thanga leh Planning secretary Dr C Vanlalramsanga te pawhin thu an sawi.

Lehkhabu tlangzarh tharte zinga mi, 'Estimates of State Domestic Product of Mizoram' New Series 2011-12 & 2012-13 a tarlan danin, Mizoram State Gross Domestic Product (GSDP) chu kum 2011-12 ah cheng nuai 7,25,869 leh 2012-13 ah nuai 8,36,198 a ni. Chumi aṭanga chhût chuan Mizoram GSDP chu kum 2013-14 ah cheng nuai 9,84,841 tling tura ngaih a ni ni tura ngaih a ni a; kum 2014-15 ah nuai 11,45,799 leh kum 2015-16 ah nuai 13,337,383 tling tura beisei a ni.

Kum 2011-12 aṭanga 2012-13 a Mizoram GSDP a punna chu 7.15% a ni a, kum 2013-14-ah 9.24%, kum 2014-15 ah 9.11% leh 2015-16 ah 9.20% in a pun chhoh beisei a ni bawk.

Net State Domestic Product (NSDP) anga Mizoram per capita incom (mimalin sum a thawh chhuah chawhrual) chu kum 2011-12 ah Rs. 57,654 a ni a, kum 2012-13 ah chuan Rs. 65,013 a ni. Per capita income hi kum 2013-14 ah Rs. 74,846-a ngaih a ni a, kum 2014-15 ah Rs. Rs. 85,356 leh kum 2015-16 ah Rs. 97,780 ni tura beisei a ni.