NH-154 kawngpui kamah thing phun

National Highway-154 kawngpui kama thing phunna programme, 'Green National Highway 154' chu June 28, 2016 khan chief minister Lal Thanhawla'n Buh-changphai community hall-ah a hawng a; thik ṭiak eng emaw zat an phun nghal.

Inkhawm hi bialtu MLA K Lalrinthanga'n a kaihruai a; Chief Minister chuan, "Ramngawte kan tihchereu zel chuan kan ram hi thlalerah kan siam ang tih a hlauhawm a, chhuan lo kal zel turte hmakhua ngaihtuah a, ânchhia kan hlawh loh nan chenna tlak ram kan hnutchhiah a ngai. Thing leh mau leh nungcha chi tinreng humhalha duat taka enkawl hi kan zavaia mawhphurhna a ni," a ti.

Inkhawm zawh hian NH-154 kawngpui kam hmun pali - Buhchangphai, Buhchangphai Hall Veng, Bûkvannei leh Saihapui-K ahte thing an phun a ni.