Ruihhlo kaihhnawih dan duan thar pawm

High Level Monitoring Committee on Substance Abuse chu nimin khan Home Minister pisaah an ṭhu a; The Mizoram Drug (Controlled Substances) Bill, 2016 an zirho a; Law & Judicial depart-ment enfiah turin an pawm.

Meeting hi chairman Chief Minister a awm loh vanga CM mawhphurhna latu Home minister R Lalzirliana'n a kaihruai a; Finance minister Lalsawta, School Education minister H Rohluna, Social Welfare minister PC Lalthan-liana, Health minister Lal Thanzara leh deputy speaker R Lalrinawma leh member dangte an tel.

Meeting-ah hian The Narcotic Drugs and Psy-chotropic Substances Act (NDPS) Act, 1985 leh Drugs and Cosmetics Act, 1940-in chiang taka a huam tel lohte khuahkhirh theihna tura Draft Bill duan an zirho. Damdawi hmansual kaihhnawih thubuai ṭhenkhat Court-a tla ṭhin chu dan thar duan hman a nih hnuah chuan nasa zawka a ziaawm beisei a nih thu an sawi.

High Level Monitoring Committee on Substance Abuse meeting hmasa December 7, 2015-a neihah Mizoram Drug Control Act siam ni se tia rel a ni a, deputy speaker R Lalrinawma kaihruaina hnuaiah Drafting Committee din a ni. Dan thar tur chu duan a ni tawh a, nimina meeting chuan Law & Judicial department-in enfiah (vet) turin an pawm.