NSS Prog. Officer Award hlan

Nimin khan Sports & Youth Services secretary HL Rochung-nunga pisaah National Service Scheme (NSS)-a State Level Programme Officer Award 2015-16 hlanna hun hman a ni a; Award hi Dr Zoramdinthara, Pachhunga University College-a NSS prog-ramme officer-in a dawng.

NSS State Level PO Award 2015-16 hi NSS programme officer thawk ṭhate hnenah hlan ṭhin a ni a, a dawngtu Dr Zoramdinthara hnenah hian SYS secretary HL Rochungnunga'n a hlan. Award hian trophy, thuchei leh Rs. 5,000 a keng.

HL Rochungnunga chuan, NSS hmalakna hrang hrangte chu chhinchhiahna mumal tak leh fel taka dah ṭul a tih thu sawiin, "Tunah hian National NSS Award dawng turin Mizoram NSS hmalakna hrang hrangte Central lamah thawn thlak a ni," a ti.

Mizorama higher secondary school chin chung lam zirna-in hrang hrangah NSS volunteer mi 23,100 an awm mek a, chu'ng mite chu NSS programme officer 237-te'n an enkawl a ni.