Mamit-in inthiarna nei kim district nih an tum

Mamit District Swachh Bharat Mission (Gramin) chu nimin khan an chairman Lalbiaksangi, Mamit DC hoin DC conference hall-ah an ṭhukhawm a, inthiarna mumal nei lo awm lohna, open defacation free (ODF)-a an district siam dan tur an sawiho.

Meeting-ah hian ODF khua nia inchhálte enfiah turin ODF Village Verification Team block level-ah leh district level-ah din nghal a ni a; BDO leh SDO, PHE leh NGO hruaitute block level-a enfiah tura ruat an ni. District level committee-ah District Swach Bharat Mission (Gramin) chu ODF Village Verification Team ni tura ruat a ni thung.

Mamit district-ah hian kum 2014-15 khan Individual Household Latrine (IHHL) chhungkaw 79 leh Community Sanitary Complex (CSC) hmun pali leh, kum 2015-16 ah IHHL chhungkaw 1,203 leh CSC-ah hmun pahnih sak tawh a ni a; Solid and Liguid Waste Management pakhat sak a ni tawh bawk.