MZP-in High Court thu hrethiam lo

MZP chuan thuchhuah siamin, High Court-in The Mizoram (Selection of Candidates for Higher Technical Courses) Rules 2016 No. 5 suspend order a tihchhuah vanga zirlaite counseling neih chhunzawm thei loa an awm chu an hriatthiam loh thu an tarlang.

MZP chuan, State Medical & Technical Entrance Examination (SMATEE) 2016-a dan hman mek chu Mizoram Chakma Students Union-in Gauhati High Court-ah an khing a, High Court chuan dan chu hman rih loh turin a ti tih an sawi a; "High Court thupek vanga counselling neih tur tiam chin awm loa sawn hlat a ni leh Mizo zirlai tam tak zir thei lo tur dinhmuna an ding mek hi pawi kan tiin kan hrethiam lo hle," an ti a; MCSU-te thil tih dan chu Mizo zirlaite tihbuai tum hrim hrimnaa an ngaih thu an sawi.

MZP chuan MCSU-te chu an PIL thehluh a rang thei ang bera hnûk kîr turin an hriattir a; Mizo zirlaite'n an chanvo dik tak an chan theih nan a tawp thlenga hma an lak tur thu an sawi bawk.