M/s Mizo Carbon Product Ltd.-in subsidy an hmuh dan chhui mek

Anti Corruption Bureau (ACB) chuan Industrial Growth Centre, Luangmuala Mizo Carbon Product Ltd.-in Central subisdy chi hnih an hmuh dan an chhui mek a, preliminary inquiry an la zo lo.

June 13, 2016-a Council of Minister thu-tlukna angin, chief secretary Lalmalsawma chuan Anti Corruption Bureau (ACB) hnenah Industrial Growth Cen-tre-a Mizo Carbon Pro-duct Ltd.-in Central Transport Subsidy (CTS) leh Central Capital In-vest-ment Subsidy (CCIS) dik lo takin a dil nia sawi chhui chiang turin a hriattir a ni.

Chief Secretary hian ACB hnena Mizo Carbon Product-in subisdy a hmuh dan chhui chiang tura a hriattir rualin, Industries Secretary chu Mizo Carbon Product-in CTS leh CCIS a hmuh theihna tura dilpuina, sorkar laipuia a thawn bawhzui lo turin a hriattir nghal.

Chief Secretary thu-pek bawhzui hian ACB chuan Mizo Carbon Product Ltd.-in subsidy a hmuh dan hi an chhui a, preliminary inquiry an la zo lo. ACB-te hian thubuai chhui tur an dawnin, preliminary inquiry an nei phawt a, chuta an thil hmuh chhuah aṭang chuan chhui zui zel tur a nih leh nih lohah te, department inquiry chi a nih leh nih loahte leh criminal case-a kalpui tur a nih leh nih lohahte Vigilance department an ráwn ṭhin.

ACB aṭanga thu dawn danin, Mizo Carbon Product Ltd.-in CTS leh CCIS an hmuh dan a dik leh dik loh hi hun rei lote chhunga chhui zawh chi ni lo a, hun duh rei chi a ni.