Inthlan kha a hlauhawm - Lal Thanhawla

Mizoram Pradesh Congress Com­mittee (MPCC) president Lal Than­hawla chuan, nimina village council leh local council inthlan buatsaih chu hlauhawm a tih thu a sawi.

Vanglaini palai zawhna chhangin Lal Thanhawla chuan, hripui lên laia inthlan buatsaih chu ṭha an tih loh avangin State Election Commission (SEC) hnenah sawn tura ngenna lehkha a thawn thu a sawi a, "A copy pawh Chief Minister leh Chief Secretary hnenah ka pe a ni. Kan inthlang ta tho a, a hlauhawmzia kha," a ti.

MPCC President hian August 19, 2020 khan VC term pawhsei theih a la nih tho avang leh LC term pawh pawhsei mek a nih tho avangin inthlan hun sawn tura ngenna SEC hnenah a thawn a ni.