Scooter-in Sihhmuiah mi pahnih a su hlum

August 4, Pathianni zan dar 6:45 vel khan Lalliansanga (20), Sairang Dawrveng chuan Sihhmuiah scooter (scooty)-in Lalchhuan­awma (45), Nghalchawm leh Thanngaia (79), Myanmar aṭanga rawn ráltlânte a su a, an hliam tuar loin an thi.

YMA, Sihhmui Branch hruaitute hnen aṭanga thu dawn danin, Thanngaia hi Aizawla ráltlâna awm a ni a, Sihhmuia a chhungte (ráltlân ve tho) tlawha kal a ni. Inkhawm tura an kal chu Lalliansanga'n scooter-in a sû a, chumi hnuah an piaha awm Lalchhuanawma a su zui leh bawk.

Lalchhuanawma hi Sairang damdawi-in panpui a nih hnu lawkah a thi a, Thanngaia chu Civil Hospital, Aizawlah lak niin, a hliam tuar loin zan dar 11:45-ah a thi. An ruang endik (postmortem) an nih hnuah nimin khan Nghalchawm leh Sihhmuiah vui an ni.

Inkhawm tura Than­ngaia kalpui Noel Lal­hmingi pawh scooter-in sûin a hliam a, scooter khalhtu Lalliansanga pawh a hliam bawk. Hliam pahnihte hi Civil Hospital, Aizawlah enkawl mek an ni a, ngaihtuahawm lutuk an ni lo nia thu dawn a ni.