Ruihhlo veivâk a nasa, chhui chian a ngai - HM

Home minister K Sapdanga chuan Mizoramah ruihhlo veivâk a nasat thu leh a chhan chhui chian a ngaih thu a sawi.

K Sapdanga hian nimin zinga Mizoram Police-in 1st MAP Playground-a fitness parade an neih a hmanpuinaah thu sawiin, "Ruihhlo heti tak maia a veivak nasa hi a chhan chhui chian a ngai. Intelligence failure vang a ni em? Eng emaw zat hi chuan police station te, out post te, check gate-te an paltlang ṭhin niin a lang bawk si," a ti.

Home Minister chuan, ruihhlo tawlh a tam chhan chu thawktu indaih loh vang nge, sorkar enforcement-te'n ruihhlo kengtute an fin khalh zawh loh vang tih te, police duty-te zingah rinawmna hloh an awm vang nge tihte beihpui thlaka chhui chhuah ngei tur a nih thu a sawi a ni.