GPF Statement 2023-2024 tichhuak hma thei dawn lo

Accounts & Treasuries chuan thuchhuah siamin, General Provident Fund (GPF) Annual Statement (2023-2024) an tichhuak hma theih dawn loh thu leh kumin chhung ngeia tihchhuah hman an tum thu an tarlang.

Accounts & Treasuries chuan, GPF Annual Statement 2023-2024 chungchangah zawhna tam tak an dawng tih a tarlang a, "Integrated Finance Management Information System (IFMIS) leh GPF account-te chu thlun zawm mek a nih avangin thil tam tak buaipui tur a awm. Tih tur ṭul angte chu system developer leh Accounts & Treasuries-a thawktute'n nasa taka ṭan lain, siamṭhat mek zel a ni. Tih tur leh siam rem ngai a la tam avangin GPF Annual Statement kan ti chhuak hma thei dawn lo a, kumin chhung ngei hian tihchhuah ngei tumin chak takin hmalak mek zel a ni," an ti.