P&E-in an inenkawl dan an siamṭha

Power & Electricity department chuan Thawhlehni khan Chanmari YMA Hall-ah engineer-in-chief L Pachuau hoin Aizawl leh a chhehvela an department inenkawl dan siamṭhatna hun an buatsaih.

P&E E-in-C chuan, an department chu Mizorama department pawimawh ber pawl an nih thu sawiin, "Electric bill khawn leh chhûn luh chungchangah ṭhahnem ngaih a ngai hle. Sorkar sum la luttu department hrang hrangin October thla vela a kum leha kan sum thawhchhuah tur kan ruahman aṭang hian Mizoram budget tur hi chhût a ni a, lakluh a tam chuan budget hmuh a tam mai a ni," a ti.

Ruahmanna thar ang chuan, 11kV line tin leh a châwmtu transformer, LT line leh consumer-te enkawl bik turin junior engineer-te ruat an ni a; feeder manager-te'n an feeder chhunga electric unit lut zat, hralh zat, hloh zat, pawisa bill zat leh khawn zat a chhin­chhiah vek ang. Feeder ên leh thim zat leh transformer performance-te pawh chhinchhiah vek tur a ni.