LC/VC inthlan buatsaih

State Election Commission (SEC) thuchhuak angin, nimin khan village council 8 leh Aizawla local council 22-ah inthlan buatsaih a ni. Inthlanna khua leh vengte hi August 27, 2020-a inthlan theih lohnate a ni.

VC/LC inthlanah hian zing dar 7 aṭanga tlai dar 5 thleng vote thlak hun hawn a ni a, mahse, hmun eng emaw zatah chuan tlai dar 5-ah vote thlak zawh hman a nih loh avangin tlai dar 5 hnua vote thlaknate pawh a awm. Vote tlate chu nizan khan chhiar nghal a ni a, he thu ziah lai hian result hriat a la ni lo.

Hetih lai hian, Chaltlang Lily Veng leh Ramhlun South-ah chuan local council inthlan buatsaih a la ni lo a, SEC chuan inthlan buatsaih hun tur an la ruat lo.