Mizoramah Doctors' Day an hmang

Nimin July 1 kha Doctors' Day a ni a, Mizoram hmun hrang hrangah doctor-te'n Indian Medical Association (IMA), Mizoram State Branch huaihawtin an hmang.

Doctors Day lawm nan hian Aizawlah chuan nimin zing khan hrisel nan kea kal tam a
ṭ ṭha tih mipuiin an hriat theih nan Walkathon an buatsaih a, doctor 86 telin, Aijal Club - Canteen kual - Sikulpuikawn - Aijal Club inkarah an kal.

Chhunah home pathum - Grace Home, Durtlang; Hermons Children Home, Durtlang leh Gan Sabha, Zonuamte hnenah thilpek eng emaw zat an hlan.

Chawhnu dar 2-ah Aijal Club-ah IMA General Body Meeting an nei a, an president Dr R Lian-zama'n kaihhruaiin, report hrang hrang ngaihthlak a ni. Thupui hrang hrang zirhona hun an hmang nghal bawk a; doctor palite'n thupuite chu an sawi.

Doctors Day pual hian Lung-lei district-a IMA member-te chuan TNT tlawhin ṭanpuina an pe a, chawhnu lamah inkhawm an hmang. Serchhip district-a IMA member-te pawhin home pahnih hnenah thilpek an hlan.

Lawngtlaiah chuan chawhnu lamah Lairam Motherless Home hnenah Rs. 6,000 an pe a, home-a thawkte leh naupang awmte tan free clinic an buatsaih. Lawng-tlaia damdawi-in pathumte hnen-ah poor fund atan Rs. 1,000
ṭheuh an pe bawk. Kolasib-a IMA member-te chuan Enna In leh TNT-ahte thilpek an hlan bakah free clinic an buatsaih.

Doctors’ Day hi India rama doctor thiam tak, Bharat Ratna dawngtu Dr Bidhan Chandra Roy-a pian champha leh thih ni, July 1-ah kum 1991 aṭangin hman ṭan a ni. Dr BC Roy hi kum 1882-ah Patna, Bihar-ah a piang.