Beng enkawlna thlir let

Beng enkawlna kawnga Health department hnuaia hma latu, National Programme for Prevention & Control of Deafness (NPPCD) chuan nimin khan IPR Conference Hall-ah Review Meeting cum Orientation Programme an hmang a, Horpital & Medical Education director leh NHM mis-sion director Dr K Lalbiakzuala'n a hmanpui.

Dr K Lalbiakzuala chuan, "Mizoramah NPPCD hi a pawimawh em em a, he programme vang hian Mizoramah beng natna leh bengngawnna nasa takin a tlahniam dawn a ni," a ti. Meeting-ah hian NPPCD enkawltu NCD state nodal officer Dr Eric Zomawia'n kum 2015-16 chhunga NPPCD hmalakna leh hmasawnna hrang hrangte a sawi.

Chawhma inkhawm-ah Synod Hospital-a audiologist R Lalhma-ngaihi'n report a pe a, sawiho nghal a ni. Chaw-hnu lamah district hrang hrang aṭanga kalte'n an district ṭheuha an din-hmunte an sawi bawk.